速遊比利時布魯塞爾之喪飲啤酒篇!

喺未計劃去比利時之前我對呢個國家只限於朱古力同窩夫仲有屙尿仔仔。孤陋寡聞既我都係男人講我知先知道原來呢度都好出名啤酒!黎到布魯塞爾真係原來酒吧仲多過cafe! 啤酒既種類仲要多到數唔晒!自問酒量還可以既我,唔知係因為太開心定啲啤酒太好飲唔覺佢度數高,一日幾杯落肚竟然feel到有啲上腦!

image 呢間酒吧我地一連兩日食飽就過黎隊啤,酒吧細細但人流超多。

image 呢個就係啤酒list!睇下佢種類多到咁真係唔識揀。不過如果女仔或者唔太好啤酒既朋友可以試下佢右中list既水果味啤酒,好易入口同酒精度低好好飲。除左種類多,睇下啲價錢幾平!真係平過飲水同飲咖啡呀陰公!

image 男人幫我叫呢set有三種唔同牌子唔同種類既啤酒。分別係(左至右)Waterloo, Tripel Karmeliet同Kwak。Waterloo係黑啤,出奇地三隻入面我比較中意佢,Tripel Karmeliet酒精度就高啲8點幾,Kwak我唔記得係乜好似都出名但我覺得冇乜特別。其實每間酒吧都有呢啲set比遊客一次過試幾款啤酒,有啲仲係水果啤酒set大家可以喺門口睇下啱唔啱先入去飲酒。

image 呢杯係男人杯Kwak,超大杯都係5€!!!

下晝去完上面間吧飲,夜晚食飽又飲過!今次去呢間Delirium Cafe。Delirium係比利時一個啤酒牌子,logo係一隻象,好似話係解飲佢既啤酒就會high到見到有隻象飛喎。

imageimage 男人飲大我飲細,但我覺得佢杯細其實都大杯囉。

第二日訓醒食完第一餐又搵酒吧飲過!今次我就試左呢隻桃味啤酒,超好飲呀甜甜地好似飲緊cider咁。

imageimage

呢度啲吧同cafe真係冇乜分別。呢朝我地去呢間吧唔喺遊客區,下晝點幾冇乜人我地隔離枱坐住個太太帶住個兩三歲既囡,阿媽飲啤阿囡飲熱朱古力。另外一邊就係個阿伯飲啤快到好似飲水咁,老細就勁悠閒咁同自己friend吹水,阿伯想再order老細仲講笑話「你唔見我好忙咩而家」。呢啲畫面好得意真係冇咩可能喺香港見到哈哈。

跟住我都唔記得做左啲咩見又冇乜野做我地又返去之前上面間吧又飲過!今次飲呢杯Delirium Red, 嘩又係好好飲呀啲啤酒係紅色同好易飲!

imageimage 然後續杯就飲呢杯Hoegaarden Rose, 純粹見到佢係rose所以想試,幾好飲既啱女仔飲囉。男人嗰杯係Honk酒杯都係一隻角,又係大杯到飛起。

喺遊客區Grand Place除左好多朱古力店仲有好多賣啤酒既舖,入面咩牌子既啤酒都有買黎估手信非常good!

image

速遊比利時布魯塞爾之青口真係好好食呀!

喺巴黎成日都見到有間叫Leon de Bruxelles好出名食青口,我冇去食過呀但黎到布魯塞爾就死都要搵到佢本店呢間Chez Leon黎食青口!

餐廳喺Grand Place 附近一條好多餐廳既巷仔行到最盡頭,唔算好難搵。去到嗰時好似係一點咁上下但可能係平日唔使等位就有得入座。

imageimage

喺menu既青口有好多選擇,我心大心細想試白汁煮or白酒煮,最後揀左白酒煮。又其實佢亦都有細份order唔記得好似係咪200g一份定幾多總之唔夠呢個煲既一半,但大食既我死都要點regular size啦梗係。好彩叫左大份咋,咪睇佢一煲好似好多但因為太太太好食我一個人食晒一粒都冇剩!連啲汁都差啲飲晒呀陰公!

image

齋睇相已經好想再食!連佢個包同薯條仲有啤酒我都覺得好好味!一份青口價錢大約係25€上下視乎你點咩,我呢個白酒煮青口就係25.85€

image

 

就係呢個門口喇認住佢!

地址:Rue des Bouchers 18, 1000 Bruxelles

講開海鮮,我住間酒店附近,喺saint Catherine Cathedral 附近,距離Grand Place大約腳程五分鐘到,轉角位有一間賣海鮮既舖頭,你可以即買即叫佢煮企喺度食。我記得我睇過有個台灣節目有介紹佢即場整白酒煮蟶子,聽講蟶子都好好食但唔係成日有我經過三次都只係見到佢一次有少量蟶子賣。可惜我冇試到,如果各位朋友經過不妨試試再話我知係咪真係好好食?

終於飲到Angelina既熱朱古力!

image

我都知而家先講Angelina都實在太遲喇香港都有咯,但我死都要等我喺巴黎先去喎哈因為覺得咁型啲囉哈哈哈(係囉我就係死港女一名)。上次去唔到今次冬天咁凍去飲熱朱古力啱晒!

除左凡爾塞宮嗰間之外巴黎呢間喺羅浮宮附近。我地嗰日去到好似五點幾六點但入面都係好多人而且都要等一兩張枱,排隊既人我諗全部都係遊客。

imageimage

其實我識Angelina都係因為杜如風當年輯風行全世界去巴黎然後介紹話呢度既熱朱古力係全世界最好飲所以我一直覺得呢個係去巴黎既必去行程之一。果真!杯熱朱古力係超超超好飲!好濃郁既朱古力個感覺就好似真係大大舊黑朱古力溶左就咁隊入口咁,好香好滑!

image

然後仲點左兩件甜品包括佢好出名既mont blanc 栗子茸蛋糕同一件聖安娜蛋糕(哈我亂譯咋因為個名叫st. Honore) 其實我唔食栗子茸因為好怕甜不過既然佢出名就緊要試。嗯呢個真心好食喎佢雖然都係好甜但係好香好栗子味同好滑我都可以食到五分四已經係超比面,好中意食栗子茸既朋友一定要試!

imageimage 呢件就係聖安娜哈哈

除左cafe,出面店面有野賣有朱古力有茶有糖有甜品包裝都好靚不過好貴囉。

image

一月去左個極速三天兩夜hea遊比利時布魯塞爾,喪飲啤酒喪食waffle好正下篇再講。