法國買咩護膚品?

法國 護膚品 法國牌子 Bioderma Caudalie Vichy idealia pro deep corrector Furterer  Avene Filorga 洗面乳 濕噴 美白 精華

而家又再寫法國既事真係拖得太耐了自己都覺得太過份XDDD

巴黎都有幾多藥房梗有一間喺左近(認住個綠色十字光管招牌就得!)不過就唔係間間都咁大同咩牌子都有,價錢亦都唔係間間一樣,建議大家有時間可以周圍格下價先。甚至乎可以上網做下功課睇下邊間最平同可以即場退稅。不過因為我本來冇諗過要買咩只係最後嗰日多左好多時間喺機場所以喺最貴既機場買。

法國買法國牌子既護膚品的確係平啲既不過睇你喺邊買啦,今次要講下自己買左既items:

1. Bioderma 保濕eye gel, 呢個自己不嬲用開,保濕同防腫眼既效果都幾好又唔(笠)。香港買二百幾,嗰邊買只係一半價錢百二蚊港紙!話時話bioderma嗰邊買真係好平,有用開佢地牌子既朋友不防可以去掃貨!

2. Caudalie洗面乳,莎莎好似賣緊四百(?) 但我呢支好似18定19€總之係二百蚊港紙咁上下。藥房嗰位女士話我知係卸妝,但我覺得佢卸妝既能力好弱,如果只係搽cc cream都還可以但有其他野就唔好只靠佢。我而家係用其他野卸完妝就用佢洗面,因為佢有葡萄籽油所以洗完面完全唔乾,不過其實有少少懷疑用佢洗面得唔得但用左兩個月又冇乜事所以都ok啦。

3. Caudalie葡萄籽油保濕噴霧,呢支野應該係Caudalie既皇牌。我喺香港專門店試過之後就好中意!噴上塊面保濕同好醒神!好中意佢好似少少薑味既香味(其實有啲似阿婆味XDD)仲好清涼!不過價錢就好似同香港差唔多,我冇記錯100ml香港專門店賣三百,我就買27.7€,唔係特別平。

4. Caudalie身體磨膏,買都係因為好中意佢陣味(又係少少薑味又似似地阿婆味)!好多磨紗粒粒用完都唔乾(用完都有嗰陣味我好中意)。150g價錢唔使百五蚊我覺得都ok啦。

5. Vichy idealia pro deep corrector 美白精華,喺巴黎幾日已經曬到好似賓妹咁,臨上機前好多時間喺機場所以又行藥房跟住順便問下店員靚姐姐邊隻美白好,就係佢介紹呢支比我。返到黎即用成支用晒大概一個半月(由於我想快啲白返所以好慷慨咁用,慳住用應該冇咁快用完既)的確係白返連啲斑都淡左!價錢就唔算平呀港紙應該過450 (43.5€ 未連稅) 但香港好似見唔到有呀想再用都冇。

6. Avene SPF 30 sun screen spray,普通,我以為係噴霧,原來唔係噴出黎都係要捽開。同埋都幾(笠) 但都防水,大汗如我出一身汗都唔甩。機場買所以都貴21.9€未連稅。

7. Furterer shampoo,其實都係上網見啲台灣人話好用先買,洗完頭的確好乾淨好清爽,不過我唔係太中意因為洗完頭髮係唔滑。又係機場買所以又係貴12.9€未連稅。

8. Filorga hydra-filler Pro-youth boosting moisturizer,未用呀評論唔到,但上網睇啲人既評語都話好同埋話係Lady Gaga最愛品牌喎。價錢一啲都唔平50ml要58€未連稅!用完而家啲野先用佢到時睇下佢係咪真係物有所值?