在凡爾宮的後花園發呆

前日巴黎氣溫聽講有成36’c, 仲要冇冷氣, 我諗如果我喺嗰度應該溶左。

今次去巴黎我好想做既其中一樣野就係坐喺鐵塔下面既草地扮下野晒下太陽望下人發下呆咁。黎到發現原來鐵塔下面個塊草地其實唔係好大兼超級多人, 所以最後我冇做到呢個咁扮野既行為XDD 不過呢黎到凡爾塞宮既後花園我終於可以搵到呢個最perfect既地方做呢件事喇!

凡爾塞宮花園既大運河原來係開放比公眾。我去嗰日係星期日所以開多一家大細去嗰度野餐散步。其實嗰日人都非常多, 不過因為大運河實在太長太大所以依然係有大把空間比你攤。本來我好天真地以為我有一整日既時間我應該可以慢慢沿住大運河行完再行其他地方, 但當我行到一半實在覺得自己太睇少呢條河了根本就見唔到盡頭!於是就㨂左樹蔭下一個地方坐低食個包, 睇下人撐艇仔, 睇下隔離個family打波, 寫下野發下呆, 一坐就坐左一粒鐘。

DSC_1672
我就係行完遠處既凡爾塞宮之後行到黎大運河接近中間既呢個位坐喺度發呆同幻想一下自己係當時既公主皇后遊花園喇哈哈哈。

DSC_1670
呢度好似係花園同大運河中間既水池, 你睇下根本係望唔到大運河既尾。

DSC_1677
行過頭先個池再回頭望返去凡爾塞宮, 其實都已經好遠。

DSC_1656
返番轉頭凡爾塞宮既一角。

DSC_1695
我比較中意凡爾塞宮外瑪麗皇后小行宮既花園。

我諗我明白點解當時既皇后要整到個花園咁大一來要顯勢二來咁當時真係冇乜野做係下花園又一日咁會容易啲過日子既。個花園又咁靚喎真係行下都好開心架喎。真心推介朋友們去凡爾塞宮一日遊因為首先門票只係25€就可以行晒咁多地方真係好抵, 第二就係睇下成個皇宮幾大嗰種氣勢同道金色大閘仲有裡面浮誇既裝潢認識下咩叫真正既豪華, 但最緊要真係要睇呢個花園仲有其他既小行宮因為啲花園真係好精緻。

 

Advertisements

我在巴黎聽過的歌

今次想扮下野想講下音樂。哈哈。

其實係咁既, 喺巴黎呢十日有幾隻歌我日日都聽到, 係洗腦咁聽到上晒腦。其中兩隻又真係幾我幾中意而家直情喺我手機既playlist入面添。第一首就係stromae既tous les memes。一開始我係因為個mv佢雌雄同體咁跳舞所以先留意。但佢首歌既音樂真係幾catchy既。stromae原來係歐洲幾紅, 後來我先發現原來我聽左好耐個首法文歌papaoutai都係佢唱。

我覺得佢半邊面個女裝扮相都幾靚lol

另外一首係英文歌黎叫stolen dance, 我開頭以為係英國歌手定美國歌手唱, 誰知道返黎google下原來係一隊叫milky chance既德國二人組合唱架喎。話時話點解德國人咁中意唱英文歌架呢? 另外一隊叫boy既德國二人組合都係唱英文架喎…

我在巴黎的飲飲食食 (二)

本來我喺巴黎既最後一日諗住去Angelina飲熱朱古力, 但因為鐵路罷工既關係搞到我要提早去機場而冇去到。睇另一篇blog介紹而家中環ifc都開左Angelina既分店了, 應唔應該去試呢?之但係本來去Angelina飲熱朱古力係我去巴黎既must do之一黎架嘛 :/

上回講完法國菜, 今次就講下其他菜式同零食。今次重點要講既係我從來未食過黎巴嫩菜。味道係偏向辣同好多herbs。好遺憾地唔知點解我手機影完張相竟然冇左! 其實我唔係好知點叫碟野, 因為佢一碟野入面放左好多野, 我記得有薯仔, 雞肉, 芝士, sour cream, 雞心豆蓉, 飯…所有野好靚咁排喺一隻大碟度令到個presentation好靚, 而且真係好大碟。重口味如我就覺得好得意好好食不過我估唔係人人都中意嗰種味道。

喺Google搵到張相類似架可以click呢度入去睇下, 成碟野就係咁大堆頭不過我食嗰碟個presentation係靚好多好多老闆仲要好好心機咁砌碟野仲要用啲雞心豆蓉畫成兩撇喺碟既兩邊!!!

↓ 我就係去呢間食我人生第一次既黎巴嫩菜。位置喺15區, 細細間雖然我去食時唔使等位(因為太夜)但不斷都有人入黎買takeaway。

DSC_1576

跟住呢就係食呢個土耳其烤肉三文治, 超多肉超大件仲要啲肉都幾juicy(我揀左雞肉, 另外仲有牛肉選擇)。加埋啲薯條真係飽到上心口。DSC_1604

↓ 呢個雪糕 (其實我覺得佢似雪芭) 旅遊書都有介紹, 間野叫Berthillon, 喺聖母院附近 (但我去嗰間唔係書介紹嗰間舖我買嗰間好似係一間cafe咁)。唔知點解一見到呢隻火紅色我決定要試呢隻味, 原來係rose & strawberry真係啱晒我最中意試玫瑰味既野。結果佢個味道真係偏向玫瑰味多好多完全食唔係士多啤梨味。我比OK啦不過超中意佢係火紅色! 另外白色嗰隻係柚子味反而係好食好多。本來想試埋另一間周圍都有舖頭既Amorino雪糕 (好好奇想睇雪糕姐姐點筆到啲雪糕成朵花咁), 但一係就飽得滯食唔落一係就落雨凍得滯所以最後都係冇食到。

DSC_1512

最後我要講既就係呢個orangina汽水! (係喎我呢個trip真係食junk food多過正餐)。佢好似橙汁咁有果肉但係有汽! 其實我都好懷疑佢係咪真橙汁不過佢絕對唔係OJ或者芬達咁! 連我呢個少飲汽水既人都一飲上癮! 而家諗起都想飲呀!!! 我知其實香港係有得賣不過我估一定好貴啦。

DSC_1603

除左以上講既野我仲食左好多野既分別係喺13區食PHO不過我唔食牛既關係我碗粉就冇乜咁特別囉但個湯係幾好飲。喺cafe食早餐食奄列都只不過係一個普通既奄列但就見識到一個full set早餐原來真係可以有好多野食。

咦寫完之後先發現, 其實我都唔係真係食左好多野咋喎…下次凍啲既時候去我要食蠔!

 

我在巴黎的飲飲食食 (一)

老老實實, 我其實唔係好知正宗法國菜係點, 不過我知巴黎除左有法國菜食仲有好多唔同國家既好野食。今次就講下我自己食過既野食! 相多啲所以我要分開兩篇寫(講到食真係多啲野講哈哈), 不過呢篇講左啲法蘭西野先!

首先我一定要講呢一餐! 因為呢餐係我覺得最最好味亦都係我最最掛住既, 就係鴨胸(magret)同truffade。我本來係唔係太中意食鴨胸, 但唔知點解覺得黎到法國係一定要食下鴨。呢個鴨胸我冇誇張, 佢真係我咁大個女食過最好食既鴨胸! 唔UN, 唔羶, 好JUICY, 好淋, 好似据緊扒咁! 係真係好好好好味! 另外個truffade我之前都未食過, 佢係用芝士, 蒜頭, 同薯仔煮到好似薯蓉咁但又未至於係好蓉…味道係十個好味!!! 不過食完之後就會成口都係蒜味哈哈。DSC_1498↑↓ Magret & truffade. 塊鴨胸佢寫到明有380g所以真係好大塊。佢會問你塊鴨要幾熟(好似牛扒咁) 我要左pink, 你睇下佢嫩嫩既粉紅同幾多汁我而家見到相到口水流! 上面張相既左上角你可以見到個truffade啲芝士有幾多!!!DSC_1500飯後就黎一杯espresso, 但重點並不是杯咖啡而係跟咖啡既嗰塊speculoos! 佢好似係一塊cinnamon cookie咁, 好喜歡cinnamon既我大愛呢塊餅! 所以我買左一包返香港自用送咖啡! (speculoos係普通野, 各大小超市都有得買)

DSC_1503 DSC_1504

間餐廳有兩間分店, 我就係去14區個間, 地址如下:DSC_1505

跟住另一日我就去左食法國薄撐, 原來咸既叫做galette bretonne, 甜既先叫crepe, 真係唔識野。其實我喺香港食過一次galette bretonne, 喺灣仔皇后大道東嗰間, 但嗰時冇乜特別感覺, 只係覺得間野好大陣油煙味…去巴黎前都冇諗話要再試galette, 只係嗰日諗唔到食咩好, 突然又諗起呢樣野, 心諗好啦再比個機會佢睇下係咪喺法國會好食啲…結果係可能心情好, 所以好似係好食啲喎哈哈!

↓一樣地叫左apple cider, 一樣地都係用碗飲, 其實真係幾好飲!DSC_1554

↓ 我叫左個cheese + mushroom, 冇ham咁咸, 個皮煙煙韌韌, 都幾好食。咪睇佢薄薄地咁, 其實好鬼大塊, 芝士又多, 食完之後好滯。想叫crepe食都食唔落。唯有下次再黎試。DSC_1555

間餐廰喺15區, 就係我住既studio附近。聽講開左好多年, 算係老字號卦?

前文有提到我住既附近有好多bakery, 於是乎我隔日就會幫襯佢地一次。由於本人好中意食croissant, 所以如果要去買早餐食, 一定係去買croissant! 基本上我覺得是但一間既croissant都好食過香港好多! 好脆好香仲要好大件! 真係朝朝食都唔厭! 仲有, 其實我覺得法國食野樣樣都大大件/碟, 如果食埋前菜我係唔會食得晒所有野! 甜品冇次食得落! 所以我真係唔明點解法國既女人食完main course仲可以食甜品但都唔肥…點解???IMG-20140629-WA0002

根據小丸子既哲學, 黎到法國係一定要食法國蝸牛。我都唔執輸, 因為喺香港食嗰的都唔係蝸牛, 而係田螺。所以, 咩都要試既我死都要試。結果係…我覺得唔難食, 但都唔係好食囉, 叫做一場黎到點都要試下咁啦。(其實我好鬼娘係都要試啲老土野哈哈)DSC_1734

好下次繼續講我既飲飲食食, 下次會講我從來未食過既黎巴嫩菜。